يا عم يا سواق

رايح فين عايز ايه
مين الى تجري عليه
حاسب مستعجل ليه
الشيطان بيلعب بدماغك
استنى شوي
خليك معايا
اسمعني شويه
يا روح عنيّا
هدي سرعتك
ما تقتلش ضحكتك
ده والله حرام
لا الشرع
والايمان ولا سنة
المصطفى حبيبك
عليه السلام
بيرضوا باللي تعملو
بص حواليك
مش كفايه دموع
وقلوب مكسوره
وعيون دبلانه
بتموت كل يوم مقهوره ..عليك
يا أحمد أوقف عاوزك
عايز أكلمك .. أفهمك
كلمه حطها بدماغك
وأفتكر .. عيالك
فكر .. بحالك
كنز بلادك
مستقبل أمتك
بين فرمت الكوتش
بدوس عليها بسن جزمتك
يا عم يا سواق
مش فاكر محمد أبنك
وأنت راجع يستقبلك
يمسك إيديك
ولا نظرة آيه حواليك
فرحانه بطلتك
بص قبل ما تتهور
وأفتكر ست الحبابيب مامتك
وخالتك .. وعمتك
أستنى ما تجريش
وشوف مراتك
متزوقه على شانك
بتبوس فرحتك
يا عيني فرحانه بتعشق بسمتك
وأنت بتجري طيران زي النسور
والسبق بيقلتك
إيه عايز تسيبني
وتجري على ما فيش
طب شوف حالة عمك إدريس
دماغه إدشدشت
ولا إبن عمتك خميس
في السرير زي الولايا
لا هو ميت ولا هو حي
يارب صبرنا .. ده إحنا غلبنا
والسبب تهورك وقسوتك
ايه يا عم يا سواق
لسه عايز تجري
الدنيا ما طارتش
يعني لسه بدري … يا درش
الكل بينادي
السلطان بيقول
يا أبني هــدي
ما تكسرش فرحة عيلتك وفرحتك
عشان خاطر بلادك
وأنت نايم في العسل
ما تسمعش إلا الشيطان
اللى معشش جوه فروتك
دي بلادك عاوزاك عون
مش فرعون
إخرب بين عنادك
خربت بيتك
بح صوت الإمام
في المنابر
ده أنتحار .. أنتحار
بيكم يا شباب يعود النهار
كفايه اربطو الحزام
فكر يا أبني .. وتعالا نبني
أدي أيدي بإيدك
إيه ح تسمع الكلام
وتتقي ربنا
تخاف على بلدنا
وتهدي سرعتك
20\7\2010