يا صاحبي

إهــــداء لكل من يرى أن الحياه فقط مجرد لحظه … وينسى كل شيء
يا صاحبي صرخه في وجه كل شيء جاءت بالمصري .
يا صا حبي
الصداقه لا هي غدر ولا نذاله ولا خوانه
الصداقه تعني رجاله
توقف جنب بعضيها وتساند بعضيها
الصداقه تعني قلوب تشيل ماضيك وماضيها
وناس تصون العيش والملح
وتعرف تحميك
من غدر الزمان
الصداقه يعني انسان
يطبطب على قلبك المجروح
ووين ماتروح
جواه نبضك بيجي ويروح
يا صاحبي
الرجاله بوقت الشده تلاقئيها
تحضن جرحك
تقرب تضوي فرحك
ترسم خطاوي دربك
وما تخدكش على خوانه
الصداقه يعني أمانه
يعني مواني تحضن مراكبك
ونسمه مفهفه تلملم شراعك
مش ريح تطوي ايامك
يا صاحبي
هتأخد إيه
لو مبسوط قول لي
لو فرحان قول لي
ح أدعيلك من قلبي
طول الليل يا صاحبي
ربنا يهديك .. وعلى قد نيتك يديك
أدي القول مني
لاأنا متقال ولاصاحب حكاوي
انا واحد كنت بتفكرك صاحبي
وأخويا ونبضي
اتاري كل دي غناوي
وكلام ع الفاضي
ولا انا قاضي ولا ح أخش بقواضي
وبكره الزمان يقول كلمته
وأدي الله وأدي حكمته
واللى بينا خلاص أنتهى
والدنيا ليك سبتها .. يا صاحبي
همسه
كنا بالأمس أصحاب .. وأنتهينا
3\8\2009