واحشني يابا

وحشني صوتك
كلامك
ضحكتك
نظرتك
مشيتك
وحشاني حنيتك
جدران بيتك بتبكي مشتاقالك
وهدومك بتنادي فينك
سجادة صلاتك تحلم بجبهتك
سبحتك أصابع ايدك
نفسي احس بدفء لمتك
وحشني والله
ودمعتي مافارقتنيش لحظه
حرقتي آه يافرقتي
وفرحتي تاهت بعدك
حبيبي أنت يا بااا
مرت السنين
وقلبي لسه حزين
شايفك نايم والكل بيبكي
أمي وخواتي
وعمامي وخالاتي
وجيراني وولادي
والصغير حبيبك
آخر عنقودك
بيبكي
عايز ينام بأحضانك
والكل نفسه يبوس ايدك
ليه ياقدر حكمك
فينا جبر
نمشي وراك يابا
جنارتك
ده بيقول وحدوه
والتاني بيكبر
وواحد غريب ماعرفوش
شاف الجنازه مشى واستغفر
نادى بعلو صوته
صلوا ياخواتي ع النبي
خيرمن قال اللهم أغفرلي
اللهم صلي وسلم عليك ياطه
زي طول البحروأكتر
اللهم صلي وسلم عليك ياأحمد
زي حبات الرمل وأكتر
الصوره لسه قدامي
توضح بسلام
ودمعتي ع الخد شوارع حمام
ويهل التراب
ومش عارف ده حلم بالمنام
ولا روايه زي الأفلام
دي حقيقه
آآآآه يابا
الدنيا من غيرك مالهاش طعم
والحياه من بعدك مفهاش حلم
الكل إتلف حولك
وع جنبك اليمين
نمت مع الخالدين
وبالجنان يارب مع النبين
التراب خبى جسمك
أناعمري ما ح أنسى إسمك
أنا أبنك ياباا
وح أضل أحلم برسمك
1/5/2008