موّالي بن سعيد(بالمصري)

ممن زمان متجمعين
مع بعضينا متحدين
واللمه وخدانا
والفرحه سيبانا
ع للسماء طايرين
من سنة سبعين
مشى بينا
أخد بأيدينا
علا رايتنا
جمل بلادنا
جاب لنا النصر المبين
واحد .. أتنين ..تلاته
أربعه .. عشره
عشرين .. أربعين
اللهم صلي وسلم على طه
في الأولين والآخرين
دي عمان زفتها الليله
ع المراكب والشط والمينا
والموجه والقمر والسهرانين
بيغنوا غنوتها
غنوة مجد وحضاره
غنوة تراث يا سماره
رجعه بحكمة الأولين
قابوس لبسها طرحتها
جمل سهولها ووديانها
وخضر خضار فرحتها
بكل الميادين
يا ولادي .. وأحفادي
الحكايه حكاية راجل
خلي عمان نبضه
وكل شريان بقلبه
يكتب رواية حب من سنين
الحكايه .. حكاية السلطان
الله يحفظه
كل يوم يكتب لنا
طعم الحياه أفراح
كل يوم يرسم لنا
فجر يزغرد مرتاح
حكايه ورا حكايه
ووعود صادقه تحققت
الدنيا بيه تغيرت
والزينه في الشوارع والبيوت
والأعلام بفرحه رفرفت
غنت غنوة زعيم
مالوش زي بين السلاطين
غنوة حكيم
علمنا إزاي نحب بعضينا
والحاقد نعلمه إحنا مين
ده سيدي وتاج راسي
بيه عديت كل المآسي
والحلم متفصل بمقاسي
والفرحه ع الجبين
شعشعت ونورت
والدنيا كلها تعمرت
جناين سعاده وهنا
عارفين بفضل مين
بفضل ربنا
عارفين بحكمة مين
ده السلطان أغلى شيء
عندي أنا
من أربعين سنه
بنى وشيد لنا
واليوم بكتب غنوته
للتاريخ بسطرها
والألحان تغنيها
ياليل .. ياليل موالي
بن سعيد
حبيبي غنيه ورايا
يا عماني آه ياليل
عيد كمان وزيد
يا عيني مسكنه
بالقلب والوريد
آه يا ليل من زيّ أنا
من فرحتي دمعتي دمعتين
ع الخد تجري فرحتين
من سنة سبعين
ولحد النهادره
وبكره
وطول عمرنا معاه ماشين
23\7\2010