مبروك جالك قلق
والوش اللى أتخلق
خلى قلبك مولع نار
والشط حيران والدار
جرى على قلبك وأتزلق
ما نفعهوش لا ودان ولا حلق
مبروك جالك قلق
عدت من جنبك وهدت
بنظره ومشيه أستقرت
جواك طولت وعشعشت
ضربات قلبك أتلخبطت
ومن ساعتها حالك أتخربق
مبروك جالك قلق
أشي أشي في كل ناحيه ماشيه
تهد الأرض والدنيا فوشيه
فيه قلوب هلكانه
وقلوب واطيه
فيه ناس تعبانه
وناس زايطه
وأنت يا عيني قلبك أتشرق
مبروك جالك قلق
يا عم أديها هديه
وبوسه قويه
زي الروصيه
عاكسها زغلل عينيها
البت حلوه وأهي معديه
أجري قوام في السبق
مبروك جالك قلق
خلاص فركش
راح .. بح
قلبك أتوكس
إتلحس
إتنحس
بقيت متخنق
مبروك جالك قلق
16/01/2011
