قد إيه

قد طير البحر
قد سنين الهجر
قد الفرحة أما تجلجل جوايا
قد الدمعة أما تجري بشقايا
قد نهار ضحكتي
وليل دمعتي
قد وقد و قد
قد ايه يا فرحتي
حاولت أوصف
بس مش عارف
حكايه اشتياقي
زمان كنت ببكي كتير
وآهاتي تغير
كنت بصرخ
كرهت روحي
كرهت جروحي
كرهتك ياشموعي
قلتها بعلو صوتي
ذكرياتك خديها
وفرحتك
وأيامك اللي فاتت
كمان أوعي تنسيها
وسكاكينك
اللي انغرست بهوايا
سبيها
جبال الصبر إتهدت
سبتها ورايا
مواثيق حبنا
اترمت ياقسايا
ومن جوه الليل
البدر نور
من هموم الجراح
عايز أرتاح
لقيت حضنك
براحي
وشراعي
لقيتك ياروحي
أملي
وفرحتي
وسندي لبكره
وعمري اللي باقي
قد ايه بتسأليني
لحد لحظه موتي
لحد ما أدفن
وتدفن سيرتي
وأتنسي جواك
جوه هواك
لحد ماتقولي
أنته ملاكي
ياحياتي
10/5/2008