قرعتك

جواها ليل فرحتك
وشعرايه نايمه بمحبتك
مدوره متغندره
لابسه شال قسمتك
قرعتك
بوسطها سواد وبياض
وحواليها القسمه بلاد
وجنود فرحانه
وناس شمتانه
طالعه تنهب الأيراد
بتجني ثمارالولاد
بتغني مواويل سكتك
قرعتك
أديناواقفين طابور
بتلسعنا لسعة الدبور
والغيطان بتفيض بالنور
ع الشط سجان
يهودي جبان
بينادي آن الآوان
ننهب شعر قصتك
قرعتك
ع جنبها طلاب
وناس لابسه أبيض
أغراب
و ع الجنب التاني
ست مهكعه
بعكازه متقمعه
بتكح وبتقول
فينك ياضنايا
فين بسمتك
قرعتك
مابقاش فيهاشعر
مصفره
متحمره
بتصبصب عرق
بتمسحها
جواها اتخلق
سحر جذاب
وموال صنعتك
قرعتك
زي القمر
ع ضفة المينا محتار
ماطلعلوش نهار
والعرب نايمه في العسل
طول عمرها
ناسيه الطار
وبكره الدور يجينا
نشرب الصبار
لا أحنا غطينا القرعه
ولا حتى فرحنا شوية فرحه
وبصبصنا ع الحريم
رقصنا ويا المعازيم
رقصنا بالحفله
صحينا ع غفله
القرعه أتسرقت
وأحنا متجمعين
مع حضرتك
قرعتك
12/8/2008