زيي مافيش

لفت الأرض لفتها
وكملت يا حياتي غنوتها
اتمرجحت ع سنين ذكرياتها
قامت .. قعدت
نامت .. صحيت
ما حدش عارف قصتها
فاكراني .. مستنياني
ولا خلاص مليش بقلبك
هوى تاني
الدنيا فرقتنا
الفرحة سابتنا
دبلت شمعتنا
وكل الحكاية عزول
قصم فرحتنا
بعدك خلاص ح أموت
وحداني
وشوقي نار تكوي روحي
كفايه عيني مجافيها النوم
كفايه القلب بيقول يا قلبي
وأنت ساكت مستخبي
سهران بتبكي
ضيّعت عمري
وأنت مجافيني
تعالا نلملم شملنا
ونداري على شمعنا
نرقص أنا ووأنت
بفَرّحِنا
ونكيد عزالنا
جوايا بركان وسكاكين
جوايا شعور
وحب وحنين
نفسي أمسح دموعي
بالمناديل
نفسي أغني ليكي المواويل
زي امبا رح
بس فين المطارح
آه بحبك
ولسه بنظرك جارح
أدي الدنيا وأدي قساوتها
وأنا اللى بقيت لعبتها
ملهاش أمان بحنيتها
ح أموت مجروح
ما يهمنيش
أموت بس ما تسبينيش
أموت بس ما تنسينيش
كفايه جواك أعيش
كفايه بنظرك زيي مافيش
13\12\2008